CHARITY

PROJECT

#TulongSaMahirap
#TulongSaPangulo

#TulongKayDuterte

A  C O M M U N I T Y  P R O J E C T  O F

“1 kilo of rice, for 1 family, every single day”

24 April 2020

Danao City, Cebu

Malaking pasasalamat ang aming pinaaabot sa affiliate namin from Cebu na bukod sa siya mismo ang nag donate at ang kanyang kaibigan, sila pa mismo ang nag volunteer para makabigay tulong sa mahihirap ng Bgy. Cambanay, Danao.

Beginning July 2020, our charity projects are now being handled by our partner foundation which is the main recipient of our donations through CryptoPeso HelpDrive. Please visit their web site for the recent outreach programs they have conducted. 

Knights Fidelium.png

22 April 2020

Pila-Pila, Rizal

Maraming pamilya na naman tayo at mga frontliners sa Rizal Province ang napasaya sa munting handog mula sa tulong ninyo mga members and volunteers. Ang kanilang mga ngiti ay sapat na para mapawi ang ating mga sakripisyo. Muli maraming salamat at mabuhay kayo!

21 April 2020

Bay, Laguna

Mula sa CryptoPeso family, pinapaabot namin ang pasasalamat sa aming volunteer teacher sa Bitin Elementary School, Bay, Laguna at sa kanyang mga batang katulong sa paghanda ng mga bigas at konting de lata. Sa munting tulong na ating naibibigay, ay maraming pamilya ang ating napapasaya.

18 April 2020

Digos City, Davao del Sur

Maraming salamat sa ating volunteer member na nagbigay ng oras at sakripisyo para maabutan ang kanyang mga kalapit bahay na nangangailangan ng ating tulong.

Kaya naman mula sa puso ng mga miyembro natin, malaking pasasalamat ang kanilang pinaaabot sa iyong grupo diyan sa Digos.

17 April 2020

Silay, Negros Occidental

Muli pinapaabot namin ang pasasalamat sa ating nag volunteer mula pa sa Silay City. Sa munting tulong ninyo, marami tayong pamilya naabutan at marami tayong mga ngiting nasisilayan.

16 April 2020

Tiaong, Quezon

Meron tayong naabutan ng 2 sakong bigas sa isang depressed area ng Barangay Lusacan, sa pamamagitan ng isang volunteer mula sa Tiaong, Quezon Province. 

Tandaan niyo mga Cryptonians, na hanggat wala nais mag volunteer para makapamili at makapag abot ng tulong sa mga nangangailangan ay hindi natin maisakatuparan ang ating adhikain na makatulong. Kaya mahalaga sa atin ang mga totoong may nais makatulong sa pamamagitan ng kanilang oras at sakripisyo. 

Maraming salamat sa inyo.

13 April 2020

Our First Outreach

Sa panahon ngayon wala nang puwang ang pagiging makasarili. Pero huwag din naman natin pabayaan ang ating mga sarili lalo na sa banta ng #COVID. Huwag natin balewalain ang mga nasa frontline na may pinakamataas na chance mahawa dahil sa kanilang mga trabaho. Lalo na si manong guard at mga barangay tanod.

Bilang paglunsad ng ating charity project, namigay kami ng 2 sakong bigas sa isang depressed area sa Baliuag, Bulacan ng tiga 2 kilo dahil nakita namin na kulang pa sa isang pamilya ang isang kilo lang sa dami ng nakatira sa isang bahay. Kahit kinulang kami sa dami ng mga nais makahingi, masaya pa rin na isipin dahil sa simpleng programa natin at sa tulomg ninyo ay meron 26 na pamilya ang napawi ang gutom sa araw na ito.

Salamat sa Diyos, salamat sa inyo at sa mga gumagamit ng CryptoPeso Mobile app natin. Sa bawat oras na paggamit ninyo ay may naiaambag kayo para may makain ang isang pamilya sa isang araw.

10 April 2020
Para sa aming mga mahal na Cryptonians.

Sa mga panahon na katulad ngayon, sa gitna ng matinding krisis dulot ng COVID-19 na apektadong lubusan ang mga mahihirap dahil sa kawalan ng trabaho, ay panahon na dapat nagkakaisa tayong mga Pilipino. 

Mga mayayaman na may kakayahan tumulong ay dapat tulungan ang mga mahihirap. At ang mga mahihirap dapat ay tulungan din ang kanilang mga sarili at huwag iasa lahat sa ating gobyerno. 

At higit sa lahat, huwag po natin sisihin ang ating Pangulong Duterte dahil siya ay isang tao lamang din katulad natin na nahihirapan at napapagod din. Hindi kasalanan ng ating Pangulo kung hindi man lahat matulungan dahil trabaho na yan ng mga namumuno sa inyong mga probinsya, siyudad at barangay. Ang mga magnanakaw sa kaban ng bayan ay hindi lahat kayang puksain ng ating Pangulo lalo na ngayon na kaliwa't kanan ang bumabatikos sa kanya at kumakalaban sa kanya sa politika.

Kaya naman kahit sa munting paraang ito na makatulong ang CryptoPeso at Indigen sa ating mga hirap na hirap na pamilyang Pilipino, inilulunsad natin ngayong 11 ng Abril, kasabayan ng bagong bersyon ng CryptoPeso Mobile 2.4, ang programang "Isang Kilong Bigas, sa Isang Mahirap na Pamilya, kada Isang Araw".

Ang programang ito ay manggagaling sa mga FREE Cash Rewards ninyo araw araw sa Google Rewarded Video Ads. Sa bawat video ad na panonoorin niyo, singko sentimos (₱0.05 centavos) ang mapupunta sa ating Donation Fund. Kapag nakaipon tayo ng singkwenta pesos (₱50) katumbas ng isang kilong bigas, pwede kayo mag nomina ng isang pamilyang lubos na mahirap sa inyong lugar. At kung sino ang malapit na tindahan ng bigas, ay sa kanya natin ipapadala ang pera kapalit ng isang kilong bigas na iaabot niya sa pamilyang napili sa isang araw. Bawat araw ay iba't ibang pamilya ang ating aabutan ng tulong.

Napakasimple lang ng ating palatuntunan:

1. Sa mga gustong tumulong, manood lang ng video ads kada oras. Sa kikitain mo sa bawat panood, ₱0.05 ang ibabawas natin sa kikitain mo, at makikita mo ang iyong pangalan sa ating Donation Fund Donor's Board ng ating mobile app.

2. Kahit sino ay pwede pumili ng pamilyang tutulungan. Ang dapat mo lang gawin ay ikumento ang kanilang larawan na nagpapatunay ng kanilang totoong kalagayan. Ikumento ito sa Facebook page ng CryptoPeso.

3. Pumili kayo ng isang tindahan ng bigas sa lugar nila at ikumento ang lugar at larawan ng tindahan. Kapag ang may-ari ng tindahan mismo mag kumento ng larawan na kanilang inabutan ng 1 kilong bigas, ay ipapadala natin ang ₱50 sa kanyang CryptoPeso wallet.

4. Ang mga mag activate ng kanilang wallets ay may ₱50 o pang isang kilong bigas agad ang ating iaambag sa Donation Fund na nakapangalan sa kanila bilang donor.

Kahit saang parte ng Pilipinas pwede sumali. Isang pamilya, kada isang araw. Tulong tulong tayo mga Cryptonians. Wala tayo gagastusin dahil ang kikitain natin sa Google Ads ang siyang magbibigay sa atin ng paraan para makatulong sa ating mga sarili at sa ating mga mahihirap na kababayan. Ang gagawin mo lang ay gamitin ang CryptoPeso Mobile app at manood ng video ads.

Napakasimple diba? Pero malaki ang maitutulong mo sa ating lipunan. Huwag natin iasa lahat sa ating Pangulo, bagkus tulungan natin siya sa kanyang mabigat na tungkulin.

Mula sa aming puso,


CryptoPeso® Team

P O W E R E D  B Y

Help Drive Logo.png

The CryptoPeso® brand and slogan Think out of the blocks® are registered trademarks of Blockchain Alliance Ltd., registered in England and Wales, composed of businesses, organizations and professionals utilizing decentralized finance (DeFi) services and offering blockchain development, consultancy and training.

3/F 207 Regent Street, London W1B 3HH, UK

Company Number 12626737

2020 © All rights reserved

  • Google Play
  • Facebook
  • Twitter